上回提到 好日都唔入新界既我去咗粉嶺 當然要走圍揾好西食返夠本先走😂 上openrice睇呢間老店長居頭幾名 除咗價錢親民之外 食物質素亦係十分之高 最出名既圓豬手骨少肉多 肉質嫩得嚟好有豬味🤤 唔好睇佢細細碗 每碗都好大方咁最少比咗5-6舊你😆 另外除咗豬手外亦可以自由選擇拼牛丸/牛腩 當日我就試埋牛丸 同豬手相比就不過不失啦🙊 另外最大既特色就係你一坐低每人就會比一個碟仔裝住自家製辣椒油 就算唔食得好辣既人都唔怕 因為佢唔算太辣但香料炒得好香🤩 最最最最重要既係出面比你仼fill辣椒油 見到好多熟客仔一入到去第一件事就係攞住隻碟仔出去𢳂一座辣椒油山返去😂 證明咗呢個老店既辣椒油唔係浪得虛明😂 不過最可惜既係想試既炸卷已經賣哂🥺（時間只係中午十二點九🥲） 炸卷係用腐皮捲住鹹牛肉點醋食 出面超少見到的🥺 唔知幾時又有機會入嚟老遠呢🤣？ （P.S. 平日去都要排隊等位，不過好彩唔洗等好耐。老店好早關門，想去既朋友要留意時間啊） #社群生日快樂 #懷舊小店 #老字號 #麵